හායි හූයි බබි ආච්චිගේ බයිසිකල් එක
කොල්ලො රැලක් වටකරගෙන ගැහුව බෙල් එක
කොල්ලො කෙල්ලො වටකරගෙන බබි ආච්චිව මැද තියගෙන
කොල්ලො කෙල්ලො උඩ පැන පැන ගැහුව බෙල් එක
බබි ආච්චිට පුලුටු කැවිලා මේක අසන්න
දිස්ටි වැටිලා බබි ආච්චි ලෙඩින් දෙයියනේ
බබයියා නම් හරි නාකියි බබි ආච්චිට හැට දෙකකි
බබි ආච්චි ලෙඩින් දෙළොස් මසක් ගත වුනේ
කට්ටඩි රාළව බබයියා ගෙදර කැඳෙව්වා
බෙර ගසලා දෙහි කපලා යකුන් කැඳෙව්වා
බබි ආච්චි පරල වෙලා නැටුව ගෙදර හූ කියලා
කට්ටඩියා අර බඩදරු අම්මා නැටෙව්වා
අල්ලපු ගෙදර ජොසි නෝනත් ආවේස වෙච්චි
තොවිලෙ බලං හිටපු ගෙදර කරකොට මැංචි
උන් දෙන්නත් පරල වුනා බලං හිටපු මෙමට හිනා
නටල නටල හම්බත් වී බිමට වැටෙද්දි
කට්ටඩියා මතුරයි පන්දමක් වන වනා
බබි ආච්චිගේ බඩ රිදෙනවා මර හඩ දෙන්නා
බෙර කරුවෝ බෙර ගසති යක්ස මූණ බැඳ නටතී
රෑ ජාමෙට හූ හඩකින් දරුවා උපන්නා
දරුවා දැකල වින්නඹු තැන මැරිල වැටෙද්දී
මරුවා වගේ දරුවා කුස්සියට පලච්චී
යක්ස දරුවා හිනා වෙලා ලිප් ගල් තුන උඩ නැගලා
අග්ගල ගුලි ඉල්ලුවහම මම බයවෙච්චී
කට්ට කලුයි දත් හතරයි යක්ස පැටියගේ
ඇස් රතට රතුයි හිස බොකුටුයි දිව දිගයි උගේ
යක්ස දරුගේ ආරන්චී මුළු ගමේම පැතිරෙච්චි
කොල්ලො කෙල්ලො පිරිල ගෙදර කෝලමක් වගේ
බබි ආච්චිගේ පූස් පැටියා දුම උඩ ඇත්තේ
බබියියාගේ බලු කුක්කා නිදි ලිප් බොක්කේ
යක්ස දරුවා මුං අල්ලලා දෙකට කඩල ලේ බිව්වා
බබයියා බය වෙලා දිව්වා තව නැහැ ආවේ
රාළහාමි කෙනෙක් එතන දුවගෙන ආවා
අතේ තිබුණු තුවක්කුව එල්ල කෙරෙව්වා
හෙණ වෙඩිල්ල පිපිරෙද්දී යක්ෂ ඔලුව ගැලවෙද්දී
බබි ආච්චිගේ කතන්දරේ නුඹලට කිව්වා
