වන්නි වන පෙතේ

වන්නි වන පෙතේ
ගම් දනවු පුරා නිවහන
වංක ගිරි වනේ
වෙසතුරු සදිසි පියවරුන්
අත් මුදුන් තබා බැතියෙන් වන්දනා කරම්

කන්ට බෑ කියා
තනියම එන්ට යයි කියා
ගමටම බත් බුලත්
නිතර දන් දුන්
පියවරුන් වෙතින්
ජාත වී ඇතත්
පූරුවෙ කරන ලද පවක් පලදී
බින්න බැස හිදී නගරය අසල දූ පුතුන්

කල්ප කාලයක්
පරපුර දුන්නු දන්
ඇතත් සිත තුල
මාසෙකට වරක් ලැබෙනුයෙ
සොච්චමක් බැවින්
කන්ට ගත් ගමන් බත් පත
කවුරුවත් එතැයි බිය වැද
දොර ජනෙල් වසා තනියම
බුදිති බෝ දුකින්

කල්බලමින් ලතවෙමි නෙත් ඔබ වෙත යොමුවේ

කල්බලමින් ලතවෙමි නෙත් ඔබ වෙත යොමුවේ
මල් සුපිපුනු අතුඅග කවුරුද කටු තැබුවේ

එතර ගලනු බැරිනම් ලොව සුවදින් නහවා
අතර මග රැදෙන්නට මද පවන නොවේවා
සතර අතට යන මගෙ සිත විමසන ඒවා
මටම ගැටලුවකි පිලිතුරු මතු හමුවේවා

කල්බලමින් ලතවෙමි .. ..

වළාකුලක දිය පරදන කදුලු ඇත ඇසේ
අලාමක සිතුම් මගෙ තනිකමට ලග වෙසේ
බලාඉදුම හැර ඔබ හා ඇදෙමිදෝ කෙසේ
ගලා යන්න ගංගාවේ පෙරට පෙර ලෙසේ

 කල්බලමින් ලතවෙමි .. ..


Srimathi Thilakarathna 
Premakeerthi de Alwis
Victor Rathnayake 

කොච්චර කෙරුවත් හොඳක් අහන් නෑ

කොච්චර කෙරුවත් හොඳක් අහන් නෑ
දනට පිනට රිසි පින්වත්තූ
දෙව්දත්වරු මිස ඉපදී නැතුව ද
බුදු බව පතනා බෝසත්තූ....//

කැළෑ කොළේ සිට ගඟේ වතුර ටික
උලා දමා නසනා මිසකා...//
අනේ අපොයි ඌ කියාල උණු වී
නොරකිනු ඇයි තවෙකෙකු අනිකා...

මගේ කුස ම නොව අනිකෙකුගේ කුස
බත් පතකින් පුරවා පිනනා...//
බණේ පැවත එන වදන් කියවු ලොව
පරම්පරාවට මතු නැඟෙනා...


පද රචනය : ප්‍රේමකීර්ති ද අල්විස්
තනුව සහ සංගීතය : ටියුලින් ජයරත්න
ගායනය : අබේවර්ධන බාලසූරිය

https://www.youtube.com/watch?v=btju5X0k9iQ

පායන දේදුනු කුමට ද පළ නැත

පායන දේදුනු කුමට ද පළ නැත
ඇහි බැමි ඇත ඔබ වතේ
මා ලඟ ඈ ඇත ඒ වත මට ඇත 
නොතැවෙනු මැන සඳ වතේ...
ආදරයේ සමනලියේ මා ඔබගේ
මලය ප්‍රියේ......

නෙළුම් විලයි හිරු එළියයි 
අරුණෙහි හිනැහෙන නිසා
සමන් වැලයි මල් පොකුරයි
සුළඟේ නැළවෙන නිසා...
ආදරෙන් බලන්නේ කවුරුදෝ සොයන්නේ
අපේ පෙම් කතාවේ මා ඔබේ පෙම් කුමරාවේ...

අදයි හෙටයි මතු දවසයි
ඔබෙ පිය සෙවනෙහි මවා...
ලැඟුම් ලබයි මගෙ දෙනුවන්
උදයෙහි මෙන් රෑ දිවා...
ජීවිතේ වසන්තේ නැඟෙන තුරු දසන්තේ
බැඳී ඉමු දයාවේ ආදරේ මල් රජ දහනේ

පද රචනය : ප්‍රේමකීර්ති ද අල්විස්
තනුව සහ සංගීතය : සරත් දසනායක
ගායනය : එච්. ආර්. ජෝතිපාල


චිත්‍රපටය : වානරයෝ (1976)
නිෂ්පාදනය : මෙත්තානන්ද සිල්වා
අධ්‍යක්ෂණය : සරච්චන්ද්‍ර හේරත්

තුන්සිත දැහැන් ගත වෙනා

තුන්සිත දැහැන් ගත වෙනා
සිතුවිලි සසල කරවනා
පදවැල් අතර ගැයෙන
ස්වරයෙ සප්ත වරුණ
සිත ළඟ ගයනවද ඔයා
තුන් පැය අතර නිමවෙනා
මතකය අතර රැ‍ඳවෙනා
සිනමා පටයෙ රැ‍ඳෙන
සුන්දර සිහින රැඟුම
හිත ළඟ රඟනවද ඔයා

නෙතකට කඳුළ ගෙන දෙනා
නරඹන සිතද හඬවනා
දුක්බර ප්‍රේම රැඟුම
සුන්දර පියවි ලොවක
රඟන්න කියන්නට එපා
තනිකම සිතට කැඳවනා
තනිවම සිතින් වැලපෙනා
දුක්බර විරහා ගැයුම්
සුන්දර පියවි ලොවක
ගයන්න කියන්නට එපා
පෙම්බර වදන් වැල් විනා
දුක්බර දෙබස් නම් එපා
සිනමා ලොවක මිසක
දිවියක සැබෑ ලොවක
දුක්බර රැඟුම් නම් එපා
සුන්දර අදහසක් කියා
දුක්බර පදවැලක් ලියා
සත්සර අතර මිසක
සුන්දර සැබෑ ලොවක
දුක්බර ගැයුම නම් එපා

මඩකලපුවෙ පොඩි කඩයක් දාගෙන

මොකටද අප්පා ජීවත්වෙල අනෙ මාව මැරෙන්නැතුව
මට ඉවසන බෑ අනේ මල්ලියේ සරස්වතී නැතුව
කොම්බුලේ සරස්වතී නැතුව
මොකටද අප්පා ජීවත්වෙල අනෙ මාව මැරෙන්නැතුව//

මඩකලපුවෙ පොඩි කඩයක් දාගෙන බිස්නස් සේරම හොදහැටි කරගෙන
සංතෝසෙන් සාමයෙන් හිටියා මල්‍ලියෙ බොහෝම ඉස්සර
බෝතාල් පත්තරේ බෝතාල් පත්තරේ

මල්ල දෙන්නයි ගෙදරට හිටියේ කොටීයො අරන් ගියා
නංගියි අක්කයි දෙන්නම රෑ හමුදාවෙන් අරන් ගියා
බෝම්බ වැදිලා අම්මයි අප්පයි සෙත්තපෝච්චි දඩම්
මගෙ කඩ බඩ සේරම දඩ බඩගාලා පොලවට පාත් උනා
අන්තිමෙ අනාත කදවුරෙ ඉදලා මෙහේට ශේප් උනා

මඩකලපුවෙ පොඩි කඩයක් දාගෙන බිස්නස් සේරම හොදහැටි කරගෙන
සංතෝසෙන් සාමයෙන් හිටියා මල්‍ලියෙ බොහෝම ඉස්සර
බෝතාල් පත්තරේ බෝතාල් පත්තරේ

අතපය කැඩිලා සෑහෙන කාලේ ඉස්පිරිතාලේ හිටියේ 
මම මැරෙන්න හැදුවා මැරෙන්න දුන් නෑ ඒකයි නොමැරී හිටියේ 
ජීවත් වෙන්නට විදියක් නෑ ඒකයි පාරට ආවේ
බොතල් පත්තර ගන්නවානෙ මම උතුරට යනතුරු ආයේ 

එහෙන් ගහනකොට මෙහෙන් ගහනවා බල්න්න බායේ බෑ 
උනුත් මැරෙනවා මුනුත් ම

Madakalapuwe podi kadayak dagena

දිනෙක රන් සළු පලදා

දිනෙක රන් සළු පලදා සද නැගි මේලාවෙන්
පැමිණ ඔබ ගෙන යමි සොදුරියෙ පෙම් දෝලාවෙන්

ඇසුරු කල කම්පණ හා සැනසිලි පසමිතුරූ
ගෙවුනු යව්වන විය තනි නොතනියෙ උන් අයුරූ
නැවත නොලිහෙන ලෙස රැහැනින් බැද දා පවුරූ
සතුට ගෙන දිය හැකි ඔබ හැර ඇතිදෝ කවුරූ

දිනෙක රන් සළු පලදා සද නැගි මේලාවෙන්
පැමිණ ඔබ ගෙන යමි සොදුරියෙ පෙම් දෝලාවෙන්

වියලි මග මහ වැලි කාන්තාර පසුකරවා
පවස සංසිදවන ලෙසදිය උල්පත් අරවා
පරව ගිලිහෙන තුරු සියොලග කලු  සළු පොරවා
ඔබය දිය යුතු හිස්වන විට දිවි විත පුරවා

දිනෙක රන් සළු පලදා සද නැගි මේලාවෙන්
පැමිණ ඔබ ගෙන යමි සොදුරියෙ පෙම් දෝලාවෙන්