කල්බලමින් ලතවෙමි නෙත් ඔබ වෙත යොමුවේ

කල්බලමින් ලතවෙමි නෙත් ඔබ වෙත යොමුවේ
මල් සුපිපුනු අතු අග කවුරුද කටු තැබුවේ

එතෙර ගලනු බැරිනම් ලොව සුවදින් නහවා
අතර මග රැදෙන්නට මදපවන නොවේවා
සතර අතට යන මගෙ සිත විමසන ඒවා
මටම ගැටලුවකි පිලිතුරු මතු හමුවේවා

කල්බලමින් ලතවෙමි නෙත් ඔබ වෙත යොමුවේ
මල් සුපිපුනු අතු අග කවුරුද කටු තැබුවේ

වළාකුලක දිය පරදන කදුලු ඇත ඇසේ
අලාමක සිතුම් මගෙ තනිකමට ලග වෙසේ
බලා ඉදුම හැර ඔබ හා ඇදෙමි දෝ කෙසේ
ගලා යන්න ගංගාවේ පෙරට පෙර ලෙසේ

කල්බලමින් ලතවෙමි නෙත් ඔබ වෙත යොමුවේ
මල් සුපිපුනු අතු අග කවුරුද කටු තැබුවේ




Srimathi Thilakaratne
lyrics Premakeerthi de Alwis

Melody/Music Victer Rathnayaka

ගිලුනා සෝක ගගේ පතුලේ හෟදෙ මගේ

ගිලුනා සෝක ගගේ
පතුලේ හෟදෙ මගේ
සැනසී මා ඇතිවී මා තනිවී ප්‍රේම ලොවේ //
ගිලුනා සෝක ගගේ

දෛවේ සාපෙ මහා
බිහිසුනු දෝ ජාලෙ තමා
බැදි ඒ ආලෙ නිසා කදුලු බිබී ඉන්ට උනා

මහ මෙර ගිරට වඩා දුක්බර මා ලයට තබා
කොහෙදෝ මා හැර‍දා ගියමි මාගේ ප්‍රේම සුදා
සොයමී ලෝකෙ පුරා ඔබට ඔබට බැදී ආලෙ නිසා


R Muththusami

lyrics Benedict Fernando

Nalagana Movie

giluna soka gage pathule 

මංගල මල්දම පතා හිඳිම් මම පතමී මම

මංගල මල්දම පතා හිඳිම් මම පතමී මම 
මට නොවෙද ලඳේ වත මනකල් උකුළු මුකුළු පෙම
මුකුළු පෙම....
මංගල මල්දම පතා හිඳිම් මම පතමී මම 
මට නොවෙද ලඳේ නෙත නිලුපුල් සලිත ලලිත පෙම 
ලලිත පෙම ....

කිරිසාගරයෙන් කිඳුරු ලියන් ආවා 
මට පෙම් මුතුලැල් පළඳනවැයි කිව්වා
සුර ළඳුන් වනේ දේව ළඳුන් ආවා 
මට මල් සරගේ දුන්න අරන් ආවා

කිඳුරු ලතාවිය 
දිව්ය කුමාරිය 
මට කුමට ලදේ නැත්නම් 
ඔය දේහ සුරූපය

සද්දන්ත කුලේ ඇතා පිටින් එන්නම් 
රන්පාවඩ මත කැන්දාගෙන යන්නම් 
රන් මිරිවැඩි රන් කසී සලුත් දෙන්නම් 
ගාන්ධාරයෙන් විලවුන් ගෙන එන්නම්

පොකුරු හිනාවයි 
දෑස ඉනාවයි 
වත සුවඳ කොකුම් 
බිඟු රොන් 
හද ගීත ලතාවයි

මංගල මල්දම පතා හිඳිම් මම පතමී මම 
මට නොවෙද ලඳේ වත මනකල් උකුළු මුකුළු පෙම
මුකුළු පෙම...
මංගල මල්දම පතා හිඳිම් මම පතමී මම 
මට නොවෙද ලඳේ නෙත නිලුපුල් සලිත ලලිත පෙම 
ලලිත පෙම ....

මුකුළු පෙම
ලලිත පෙම //  

Victor Rathnayake / Sisira Senaratne

පොකුරු පොකුරු මල් සැණකෙළි ඔමරි ලතාවයි

පොකුරු පොකුරු මල් සැණකෙළි ඔමරි ලතාවයි
නුහුරු හැගුම් මා වටකර රඟන ලතාවයි
පොකුරු පොකුරු මල් සැණකෙළි ඔමරි ලතාවයි

බිංදු බිංදු පිනි මුතුවැල් මඟ සරසනවා
මට නොකියම හෙමි හෙමිහිට පියල් සරනවා
කුරුල්ලනේ රෑන් රෑන් කොහේ යන්නදෝ
අනේ මටත් ඉගිල්ලෙන්න කියා දෙන්නකෝ
අනේ මටත් ඉගිල්ලෙන්න කියා දෙන්නකෝ

පොකුරු පොකුරු මල් සැණකෙලි ඔමරි .. .

මට මතකයි මට මතකයි පුංචිකාලේ මං
රෑ හීනෙන් දේදුන්නේ නැගීගියා මං
ඒ පෙනිච්ච මිහිරි සිහින දැන් සැබෑ වුනා
රිදී කාසි හැලෙන හඬින් සිත හිනාවුනා

පොකුරු පොකුරු මල් සැණකෙළි ඔමරි ..

මිටියාවත සුදු මිහිදුම් හිම සිහිල් සුවේ
පාවි පාවි මං යනවා සිත සැහැල්ලුවේ
කවුරුන්හෝ මට කියන්න කණට කොඳුරලා
ආදරයද මේ දැනෙන්නෙ සුවඳ ගල ගලා //

Latha Walpola

මගෙ ජීවිතයම වටහා ගන්නට බැරි ලොකු සිහිනයකී

මගෙ ජීවිතයම වටහා ගන්නට බැරි ලොකු සිහිනයකී
මොනවා කරමිද මොනවා කියමිද
නොදැනෙයි පුදුමයකී //

යන එන මාවත ඇහිරී කොටුවී අද මට මා නැත්තේ
හෙට හිරු එලියේ මෙතනින් පිටවී කොයිබද යා යුත්තේ
සුලු වරදක් ගැන මහමෙර තරමට ඇයි ඔබ සලකන්නේ
මිනිස් ගතිය ලොව බිහිවුනදා සිට වෙනසක් වී නැත්තේ

මගෙ ජීවිතයම වටහා ගන්නට බැරි ලොකු සිහිනයකී
මොනවා කරමිද මොනවා කියමිද
නොදැනෙයි පුදුමයකී //

මගෙ ජීවිතයම වටහා ගන්නට බැරි ලොකු සිහිනයකී
කිදුරු රජිනියේ මගේ ආදරේ
තවම ඔබට පමනයි //

Milton Mallawarachchi

http://www.youtube.com/watch?v=gsFJhzF_QcY

දිලි දිලි දිලිසෙන එලියක් එලියෙන් දෙන කලඑලියක්

දිලි දිලි දිලිසෙන එලියක්
එලියෙන් දෙන කලඑලියක්
කලුගල් අතරට මැණිකක් පහල වෙලා ඇතේ //

නැකතට පෝරුවේ කැලි පෙලි නැතිවට
දෑවෑදි රන් පොදු පැතුවේ නැතුවට
ලොකුවට මගුලක් ගත්තේ නැතිවට
ලොක්ක ගෙනා මනමාලිය හරි පිංපාටයි හරි පෙම්පාටයි

දිලි දිලි දිලිසෙන එලියක්
එලියෙන් දෙන කලඑලියක්
කලුගල් අතරට මැණිකක් පහල වෙලා ඇතේ //

ලොක්කන් ඌවත් ලොකු අඩුවක් ඇත
නෝනෙක් නැත්නම් කිසි එලියක් නැත
ඔක්කොම එක්කල වැනි ලොව සම්පත
ලොක්ක ගෙනා මනමාලිය හරි සිරියාවයි කිරි උතුරා යයි

දිලි දිලි දිලිසෙන එලියක්
එලියෙන් දෙන කලඑලියක්
කලුගල් අතරට මැණිකක් පහල වෙලා ඇතේ //

අද වැනි කන බොන දවසක් ඇතිදෝ
අද නොම නටනා නැටුමක් වෙතිදෝ
මංගල දිනයක් මේ වැනි කොහෙදෝ
ලොක්කගෙනා මනමාලිය ගැන සංතෝසයි හරි සංතෝසයි

දිලි දිලි දිලිසෙන එලියක්
එලියෙන් දෙන කලඑලියක්
කලුගල් අතරට මැණිකක් පහල වෙලා ඇතේ //

M S Fernando

Sikuruliya Movie

  

මල් යහනාවකි ලෝකේ

මල් යහනාවකි ලෝකේ - නැහැවෙයි චන්ද්‍රාලෝකේ
යන නොසිතු වෙලාවක වියැකී - ජීවය තණඅග පිණිබිදකී //

ඊයේ ගතවිය හෙට පැමිනී නැත - අද පමනයි ඇත්තේ//
සද බැස යාවිද‍ ඉරු නැග ඒවිද - එය ස්ථිර නැත්තේ//
සිතෙහි සතුට නැත සදහට පවතින්නේ
ලැබුනු තැනදි ඇයි සිතමින් ලතවෙන්නේ

මල් යහනාවකි ලෝකේ - නැහැවෙ..

රන්වන් පැහැයෙන් රහසින් අමතන - මීවිත අතට ගමු //
මල් මදිරාවේ පෙම්සිලිලාරෙ - රසවිද ඔකද වෙමු //
පියාසලාගෙන කාලය පියබනවා - පමා උනෝතින් අප මග තනිවෙනවා

මල් යහනාවකි ලෝකේ - නැහැවෙ...

අඩමින් ඉපදී - අඩමින් පවසී - අඩමින් අප යන්නේ ///
එහෙනම් චුට්ටක් විනෝද වෙමු අපි - ඇයි බල බල ඉන්නේ ///
පල නැත අවුරුදු සියයක් සුසුම් හෙලා
දවසක් ජීවත් වෙමු අපි උදම් වෙලා

 M S Fernando 

 lyrics - Karunarathne Abeysekara