පායන දේදුනු කුමට ද පළ නැත
ඇහි බැමි ඇත ඔබ වතේ
මා ලඟ ඈ ඇත ඒ වත මට ඇත
නොතැවෙනු මැන සඳ වතේ...
ආදරයේ සමනලියේ මා ඔබගේ
මලය ප්‍රියේ......
නෙළුම් විලයි හිරු එළියයි
අරුණෙහි හිනැහෙන නිසා
සමන් වැලයි මල් පොකුරයි
සුළඟේ නැළවෙන නිසා...
ආදරෙන් බලන්නේ කවුරුදෝ සොයන්නේ
අපේ පෙම් කතාවේ මා ඔබේ පෙම් කුමරාවේ...
අදයි හෙටයි මතු දවසයි
ඔබෙ පිය සෙවනෙහි මවා...
ලැඟුම් ලබයි මගෙ දෙනුවන්
උදයෙහි මෙන් රෑ දිවා...
ජීවිතේ වසන්තේ නැඟෙන තුරු දසන්තේ
බැඳී ඉමු දයාවේ ආදරේ මල් රජ දහනේ
පද රචනය : ප්‍රේමකීර්ති ද අල්විස්
තනුව සහ සංගීතය : සරත් දසනායක
ගායනය : එච්. ආර්. ජෝතිපාල
චිත්‍රපටය : වානරයෝ (1976)
නිෂ්පාදනය : මෙත්තානන්ද සිල්වා
අධ්‍යක්ෂණය : සරච්චන්ද්‍ර හේරත්
No comments:
Post a Comment
කියන්න කියන දෙයක් ඇයිද ඉන්නෙ තාම බලා