ඔබට තිබෙන ආදරෙ මම කියාල දෙන්න

ඔබට තිබෙන ආදරෙ මම කියාල දෙන්න
ගසක තියන තල් කොල මදි ලියාල දෙන්න
ඔබේ ලස්සන සිනහව මොහොතකට දකින්න
කුරුල්ලෙක් වෙලා හිතෙනව ඉගිලිල එන්න

ඔබ තනිකර දුර ගමනක් යන්න හිතුවෙ නෑ
ගිය ගමනත් මෙච්චර කල් ඉන්න හිතුවෙ නෑ
මෙහෙ ලස්සන සුරපුරයකි මට ලස්සන නෑ
ඔබ එක්කල තොටුපොලෙ ඔරු පදිනව වගෙ නෑ

අහස උසට මාලිග ඇත ඉන් අඩුවක් නෑ
ගයන වයන රගන ලදුන් නොදැක හිටියෙ නෑ
ගම්බද වගෙ කරත්ත නෑ වාහන අඩු නෑ
ඔබ එක්කල තොටුපොලෙ ඔරු පදිනව වගෙ නෑ

හද දවසට අහස දිහා මං බලන්නෙ නෑ
බලන්න බැරි වේදනාව ඔබ නොදන්නෙ නෑ
ඒ මූනෙයි ඔබෙ මූනෙයි වැඩි වෙනසක් නෑ
ඔබ එක්කල තොටුපොලෙ ඔරු පදිනව වගෙ නෑ

මගේ ගතින් මෙහෙ හිටියට හිත නම් මෙහෙ නෑ
මම එනකොට ආපසු එය ඔබ මට දුන්‍නෑ
සිරියාවිය දැක ගන්නට එන දින දුර නෑ
ඔබ එක්කල තොටුපොලෙ ඔරු පදිනව වගෙ නෑ

M.S.Fernando

ගා ගන්නෙ නැතිව බා ගන්න
http://www.anangaya.com/rythem/sinhala_mp3/songs/sinhala_MP3/MS_Fernando/MS%20-%20Obata%20Thiyana%20Adare.zip