සමහර තරුනො තරුණියන්ට රැවටිලා

ඔබගෙ අම්මද නැත්තම් ඔබගෙ බිරිදද
ඔබ ආදරෙ මේ දෙදෙනාගෙන් කාටද
ගෑනු අපට සිය ගණන් සෙව් හැකි
හැබැයි අම්ම කිව්වොත් එක්කෙනෙයිනෙ බොරු නැති

අතමිට කාසි පනම් ඇති විට
එතකොට ගෑනුත් ඇති වටපිට
එයල අතමිට නැති දා හැර යයි යන්නට
නමුත් අම්ම එහෙම කරයිද තම පුතාට

සමහර තරුනො තරුණියන්ට රැවටිලා
අසරණ මෑණියන්ට වෙනස්කම් කලා
ගෑනු ඕනෙතරම් ලෝකෙ හරිම කරදරේ
එක අම්මයි ඇත්තෙ අපට එයයි ආදරේ

එදා චුල්ල පදුම රජතුමාගෙ බිසවට
පිපාසෙ උන කාන්තාරෙ යන කොට
රජා උරේ පලල ලේ දුන්නනෙ බොන්නට
රජු එතරම් ආදරෙන් හිටියෙ බිසවට

ඈ ආස හිතිල අතපය නැති කොරෙකුට
රජාව එක්කන් ගොස් මහ කන්දක් මුදුනට
තල්ලු කෙරුව ඒ කන්දෙන් පහලට
අම්ම එහෙම කරයිද තම පුතාට

එදා රජතුම සහ බිසව කැලේ යන විට
වැදි කුමරෙක් කඩා පැන්න සටනට
ඒ වැදි කුමරගෙ හැඩි දැඩි වූ සිරුරට
ආස හිතුන රජතුමාගෙ බිසවට

කඩුව ඇගෙන් රජතුම ඉල්ලූ විට
කඩු කොපුව රජුට කඩුව දුන්න වැද්දට
අන්න ඒක නිසා නහින්න උන රජාට
ලමයො අම්ම එහෙම කරයිද තම පුතාට

ඔබෙ බිරිදව ඔබේ ලගට කැන්දා
ඇගෙ වැරදි ඇතොත් කියල දෙන්න පහදා
ඔබ බිරිදට ආදරෙන් ඉන්න සැමදා
මොකද ඔබෙ අම්මත් ගෑනුකෙනෙක් හන්දා

සමහර තරුනො තරුණියන්ට රැවටිලා
අසරණ මෑණියන්ට වෙනස්කම් කලා
ගෑනු ඕනෙතරම් ලෝකෙ හරිම කරදරේ
එක අම්මයි ඇත්තෙ අපට එයයි ආදරේ

M.S. Frenando

ගා ගන්නෙ නැතුව මෙතනින් බා ගන්න
http://www.sendspace.com/file/9ez7rw